Alkate eta erakunde ordezkariekin bilkurak burutuko ditu Herrira

Alkate eta ordezkariekin bilkurak egiten hasi da Herrira:
Azken asteotan gaixotasun larriak dituzten euskal preso politikoak askatzeko ekimen ezberdinak burutu ditugu. Madrilen izan dira Herrirako hamalau kide, gaixo dauden preso politikoen truke beraien burua eskainiz. Honekin lotuta, eta eskaera hau atzera bota ondoren, Arabako espetxe berriaren aurrean egon gara hamalau orduz. Gauez kandelekin hurbildu gara, bereziki Txus Martinen eta oro har hamalau lagun hauek egoera larriaz ohartarazteko.
Ekimen hauen inguruko balorazio ona egin nahi dugu Herriratik, beraien helburua oraindik lortu ez arren egoera hauen urgentzia mahai gaineratzeko baliagarriak izan direlako. Urrats zein ekimen txiki eta ezberdinen batura izango da helburu hauek betetzera eramango gaituena, eta azken hauek bide horretan lagundu dutela uste dugu.
Idatzi honen bidez beste ekimen bat iragarri nahi dugu bide honetan. Herrira mugimendutik gaixotasun larriak dituzten euskal preso politikoen herrietako alkateekin bilkurak egiten hasi garela azaldu nahi dugu, hauen egoera azaldu eta denok batera zerbait egin ote dezakegun proposatzeko. Alkateetatik hasi eta bestelako erakunde ordezkarietako kideekin bilkurak burutzen saiatuko gara datozen asteotan.
Gaixotasun larriak dituzten presoen egoera zinez larria dela uste dugu. Horrela adierazi digute mediku txostenek, eta horrela baieztatzen digute astero bisitan joaten zaizkien senide eta lagunek.
Egoera hau luze baino lehen konpondu beharrekoa dela uste dugu, eta bide horretan zerbait egin dezakeen ororen ateak jo nahi ditugu Herriratik, gizatiarra ez den egoera hau gainditzeko benetako urratsak eman ditzagun denon artean.info+: herrira.org

Gaitz isilduak (Trailerra)

"Gaitz isilduak" dokumentala osatu du Etxerat Elkarteak, gaixotasun larriak dituzten 14 euskal preso politikoen senideen testigantzarekin #14akHerrira #PresoakHerrira

Elkartasun mezuak jaso ditu Txus Martinek Zaballako espetxean

Ehunka lagunek parte hartu dute Herrirak Zaballako kartzela aurrean antolatutako ekimenean. «Kandela gaua» egin dute gauean eta mikrofono irekiaren bitartez elkartasun mezuak helarazi dizkiote Txus Martini.
-Ekitaldian kantatutako bertsoak ikusteko: arlotebat.wordpress.com

Kandela gauarekin abiatu zen Herrirak Zaballako espetxe aurrean antolatutako mobilizazio berezia. Gaixotasun larriak dituzten 14 euskal preso politikoen egoera ezagutzera eman, salatu eta haien askatasuna galdegin dute ekimenarekin.
Ostiral gauerako egitarau anitza prestatu zuten antolatzaileek. Bertso trama, eta musika eta bideo emanaldiekin.
Mikrofono irekia ere jarri zuten eta elkartasun mezuak bidali zizkioten Zaballako espetxean aurkitzen den Txus Martin preso politikoari.
Beren neskalagunak goizean bisita izan ondoren baieztatu du Martinek elkartasun mezuak entzun zituela.
Basauritarra gaixotasun larriak dituzten 14 presoetako bat da.
Karpa bat ere ezarri dute espetxeko inguruetan eta bertan lo egin du jendeak.
Hainbat eragile politiko, sindikal eta sozialek eman diote babesa ekimenari.

Zabalo berriro gurekin, ongi etorri!!!

Herenegun Luis Armando Zabalo “Txetxi” basauriarra libre geratu zen. Zabalo gaueko 22:00ak aldera Murtziako espetxean askatu zuten, espetxe horretara herenegun heldu zen Madrilgo Soto del Real presondegitik. 2004ko ekainean polizia frantzesak atxilotu zuen. La Santé, Fleury Merogis eta Lannmezako kartzeletan egon da gatibu. 2012ko martxoan Frantzian kondena bete zuen eta espainiar estatura entregatua izan zen.

Gaua Murtzian pasatu ondoren atzo arratsaldeko 19:00etan Basaurira heldu zen. Basaurin 200 bat lagunek lehen harrera egin zioten.

Zabalo ongi etorri Basaurira!!!

Etxerat también participará en la velada de Zaballa

Desde la Asociación Etxerat queremos mostrar nuestro apoyo a la velada que ha convocado el movimiento Herrira para el 13 y 14 de julio. Porque nuestros familiares y allegados con enfermedades graves e incurables tienen que estar en casa.

La situación de las presas y presos con enfermedades graves e incurables nos preocupa especialmente a sus familiares y allegados. Catorce familiares y allegados están gravemente enfermos, y eso nos crea a nosotros una gran preocupación y un gran sufrimiento. Aunque nuestros familiares y allegados estén gravemente enfermos, siguen lejos de sus casas, y no pueden tener una adecuada asistencia médica. Y hay que tener en cuenta las consecuencias que puede tener ello en su salud.

Para las presas y presos enfermos está situación es muy dura, y el no poder estar cerca de ellos nos crea una gran impotencia a nosotros y nosotras. La situación de Txus Martin es especialmente preocupante. Las condiciones de vida en las que ha estado y el estar aislado (durante 8 años ha estado totalmente solo) han sido las causas directas para desarrollar su enfermedad. Por consecuencia, aunque debería de estar fuera del sistema penitenciario que ha sido tan perjudicial para él, permanece en la cárcel.

Por todo ello, nosotras y nosotros participaremos en las actividades que se realizaran frente a la prisión de Zaballa, el 13 y el 14 de julio, y os invitamos a todas y todos a que participeis en dichas actividades.

Por último, queremos añadir que Etxerat ha realizado un documental sobre las vivencias de catorce familiares de presas y presos enfermos, y que en los próximos días haremos público el tráiler de este documental. La presentación de este documental, se hará este mismo viernes, 13 de julio, en una rueda de prensa en el Koldo Mitxelena kulturunea de San Sebastián, a las 12:00; y allí se encontrarán los catorce familiares de las presas y presos enfermos que han tomado parte en el documental. Además, el viernes por la noche el documental se emitirá en la velada que se hará en frente de la prisión de Zaballa.

Kontzentrazioa Bilboko Justizia Jauregian (05/07/2012)

Gaixorik dauden euskal presoen egoera okertzen duen Espainiako eta Frantziako Gobernuen espetxe politikarekin amaitzeko akordio zabalak eta zeharkakoak lortzeko garrantzia gogorarazi du Beñat Zarrabeitia Herrirako bozeramaileak. Uztailaren 13 eta 14an gaubela egingo dute Zaballako espetxean Txus Martinen askatasuna galdegiteko.

Herrirak Txus Martinen askatasuna exijitu du berriz ere Bilbon, Justizia Jauregiaren aurrean eginiko elkarretaratzean. Basauriko presoaren zein larri gaixo dauden beste 13 euskal presoen egoeraren aurrean konponbideak behar direla adierazi du errepresaliatuen eskubideen aldeko erakundeko eledun Beñat Zarrabeitiak. Esan duenez, ulertezina da Martin preso jarraitzea oso osasun egoera larria duela kontuan hartuta eta horrek, samina, kezka, egoneza eta lasaitasun eza baino ez die eragiten bere sendi eta lagunarteari eta Martinengan atzera bueltarik izan ez dezaketen ondorioak eragin ditzake.
Horregatik, Martinen zein larri dauden beste euskal presoen askatasuna exijitzeko kandela gaua egingo dute datorren uztailaren 13 eta 14an Zaballako (Araba) espetxean. Ildo horretan, jendarte osoa gaubelan parte hartzera deitu dute.
Espetxe politikan aldaketa sakonak behar direla azpimarratu du Zarrabeitiak eta bide horretan, Espainiako zein Frantziako Gobernuen itxikeriarekin amaitzeko, akordio zabalak eta zeharkakoak lortzea ezinbestekoa dela gogoratu du.
Elkarretaratzearekin amaitzeko Txus Martinen aldeko plataformako kideek gurutzegrama erraldoia osatu dute presoak jasaten dituen baldintza gogorrak irudikatzen dituzten hitzekin.info+: bilbokobranka.info

#14akHerrira, Kandela gaua Zaballan (Uzt. 13-14)