Txus Martinen askatasuna exijitzeko, ordubeteko greba deitu dute Hego Uribeko Ikasle Abertzaleek martxoaren 15erako

Osasun egoera larrian aurkitzen den Basauriko Txus Martin presoaren eta gaixorik aurkitzen diren euskal preso politiko guztien askatasuna exijituko duen greba deitu dute ikastetxeetan Hego Uribeko Ikasle Abertzaleek. Martxoaren 15ean izango da 9:30etatik 10:30ak arte, eta martxoaren 24ko 24 orduko elkarretaratzearekin ere bat egin dute.

Hego Uribeko Ikasle Abertzaleen oharra:

Hego Uribeko Ikasle Abertzaleek datorren ostegunean, martxoak 15, Basauriko Txus Martin zein Euskal Herriko preso gaixoen behin-behineko askatasuna exijitzen, greba deitu dugu. Ordu bat iraungo du grebak: goizeko 9:30etatik 10:30ak arte. Kontzentrazioak deitu ditugu eskualdeko institutoetan. Datorren martxoaren 24ko elkarretaratzearekin ere bat egiten dugu: 24 orduz Bilboko plaza eliptikoa bete Txus Martin askatzeko.
Martxoak 15, Hego Uribeko gazteok badaukagu zer egina! Txus Martin askatu! Preso gaixoak kalera!!!info+: topatu.info